Уралда янгында әби кеше һәм аның 2 оныгы – кыз балалар һәлак булган. Бу турыда «Комсомольская правда» хәбәр итте.
62 яшьлек хатын-кыз, 3 һәм 6 яшьлек ике кыз бала фаҗига корбаны була. Җинаять эше ачылган. Экспертизалар билгеләнгән. Бу турыда Россия Тикшерү комитетының Свердловск өлкәсе буенча Тикшерү идарәсе хәбәр иткән.
«Мәрхүмнәрнең мәетләрендә көч кулланып үтерү билгеләре ачыкланмады. Якынча версия буенча, алар яну продуктлары белән агуланган, янгын сәбәбе – ут белән саксыз эш итү», – дигәннәр ведомствода.
Свердловск өлкәсе буенча Эчке эшләр министрлыгының матбугат хезмәте җитәкчесе Валерий Горелых сүзләренчә, мәетләрне дүрт бүлмәле фатирда тапканнар, фатир торак йортның икенче катында урнашкан.
«Якынча белешмә буенча, алар ис газы белән агуланган. Аларның яше ачыкланды. Бу – бертуган ике кыз – 3 һәм 6 яшьлекләр. Икесе дә балалар бакчасына йөргән. Аларның 62 яшьлек әбисе дщ төтен белән агуланып үлгән», – ди Горелых.
Фаҗига вакытында балаларның анасы өйдә булмаган, әтиләре алар белән яшәми, диелә хәбәрдә.