«Абау, болай ярамый дигән саен кыланасың» - Зәринә Хәсәншинадан үзенчәлекле фотолар
Җырчы Зәринә Хәсәншина Инстаграм сәхифәсендә яңа фотолар белән урнаштырган. Инстачыларда әлеге фотолар кызыклы фикерләр тудырган.
«Мәхәббәт өчен эчик», — дип язган ул.
«Кайдан идеяләр табып бетерәсең бу фотосессияләргә?» — дип сораган җырчы Миләүшә Сафина.
«Абау, болай ярамый дигән саен кыланасың! Матур ич, чукынчык», — дип язган алып баручы Айгөл Хәйруллина.
«Минем бер генә сорау, бу өстәл машинага ничек сыйды?» — дип кызыксынган алып баручы Газинур Фәйзуллин.
«Ут булган бу», — дип мактаган Алинә Сафиуллина.
«Селәгәй агызып, күз белән карап, борын белән җибәрергә генә кала инде минем кебек колхозчыларга бу чибәрлеккә», — дип уфтанучы инстачылар да булган.
