Татарстанның сәламәтлек саклау министры Альмир Абашев Түбән Камада БПЛА һөҗүмендә зыян күргән кешеләрнең хәле турында сөйләде. Бу хакта ул үзенең Макс каналында язган, дип хәбәр итә «Татар-информ».
Хәзер БПЛА һөҗүмендә зыян күргән өч кеше Түбән Кама күппрофильле хастаханәсендә ята. Зыян күргән ике кешенең хәле авыр, берсе уртача авыр хәлдә. Калган пациентларга медицина ярдәме амбулатор шартларда күрсәтелде», - дип язган министр.
Альмир Абашев Түбән Кама район үзәк хастаханәсе медикларына ярдәмгә Чаллының Р. С. Акчурин исемендәге ашыгыч медицина ярдәме хастаханәсеннән кан тамырлары хирургы һәм реаниматолог җибәрелде, дип өстәде.