9 апрельдә Татарстанда аязучан-болытлы һава торышы була. Кар, урыны белән җепшек кар һәм яңгыр явачак. Көньяктан, көньяк-көнбатыштан 8-13 метр, 15-20 метр тизлектә, кайбер районнарда 23 метр тизлектә көчле җил. Төнлә һава температурасы -1..+4˚, көнчыгыш районнарда +8˚, көндез +5..+10˚ градус. Төнлә һәм иртән көнбатыш районнарда юлларда урыны белән бозлавык булырга мөмкин.
Үсүче ай, ай Кыз йолдызлыгында.
Бу вакытта, берьеллык һәм күпьеллык чәчәкләрдән кала, бернәрсә дә утыртмау яхшырак. Баштарак утыртылган чәчәкләрне сирәкләргә була. Агач-куакларга корткыч бөҗәкләргә һәм авыруларга каршы дарулар сиптерергә кирәк. Бүлмә гөлләрен күчереп утыртырга була.