9-10 августка һава торышы һәм ай календаре

9 августта Татарстанда алмашынучан болытлы һава торышы булачак. Урыны белән яңгыр явачак. Төньяктан, төньяк-көнбатыштан уртача тизлектә, урыны белән 17 метр тизлектә көчле җил исәчәк. Төнлә һава температурасы +10..+15˚, көндез +19..+24˚ градус.

10 августта Татарстанда алмашынучан болытлы һава торышы булачак. Төнлә урыны белән яңгыр явачак. Көндез явым-төшемнәр көтелми. Төньяктан, төньяк-көнбатыштан уртача тизлектә, урыны белән 17 метр тизлектә көчле җил исәчәк. Төнлә һава температурасы +9..+14˚, көндез +18..+23˚ градус.

Кимүче ай, ай үгезбозау йолдызлыгында.

Туфракны казырга һәм түтәлләр ясарга була. Бу көннәрдә утыртылган агач һәм куак үсентеләре яхшы тамырланачак. Агач һәм куакларның ботакларын кисү өчен дә уңышлы көн Күпьеллык чәчәкләрне казып алырга, бүлгәләргә һәм күчереп утыртырга була.