8 март алдыннан җинаятьчеләр ясалма фәһем һәм дипфейклар кулланып схемалар файдаланачак. Бу хакта экспертлар кисәтә, дип яза «Лента.Ру» сайты.
«Газинформсервис» компаниясе эксперты Марина Пробетс белдергәнчә, 2025 елда җинаятьчеләр камилрәк һәм үткенрәк һөҗүмнәр ясаячак. Аерым алганда, алар персональләштерелгән хәбәрләр җибәрү һәм сайтларның ялган версияләрен мөмкин кадәр чынга охшатып ясау өчен, ясалма фәһем кулланачак.
Шулай ук җинаятьчеләр корбанының якын кешесеннән видеокотлау ясау яки акча сорау өчен дипфейклар кулланачак. Моннан тыш, интернет кулланучыларга чәчәкләр һәм бүләкләргә заказ биргәндә яки ташламалар ясаганда Telegram-ботларга аеруча игътибарлы булырга киңәш итәләр. Алар ярдәмендә шәхси мәгълүматларны урларга яки фишинг сайтына җибәрергә мөмкиннәр.
Шулай ук мошенниклар «бүләк сертификатлары» да җибәрергә мөмкин, ә алардагы сылтама куркыныч сайтларга кертә. Шулай итеп, җинаятьчеләр Россия халкының мәгълүматларын алырга һәм аларның социаль челтәрдәге аккаунтларын «ватарга» мөмкин, дип кисәтә белгечләр.