76 яшьлек укытучы мәктәптә кыз балаларга карата җенси гамәлләр кылуын үзе сөйләгән

Австралиядә 76 яшьлек укытучыны хөкем итәләр. Ул узган гасыр уртасында мәктәп укучыларын җенси яктан азындырып йөргән. 

Daily Mail басмасына сылтама белән РЕН ТВ каналы хәбәр иткәнчә, Алекс Эванс исемле бу ир-ат 60нчы елларда мәктәптә эшләгән. Инде менә илле ел узгач, ул гафу үтенергә карар кылган. Ул корбаннарының берсенә шалтыраткан. Әллә кайчан булган хәлләр турында искә төшергән, гаиләсендә тормышы  яхшы булмаганга, кызларга бәйләнгәнен әйткән. Шуннан соң Эвансны кулга алганнар.

Педофил башлангыч сыйныфларда укыткан һәм балаларны бөтен сыйныф алдында мәсхәрә иткән. Ул документлар караган булып кыланган, ә үзе өстәл астында кыз баланы тоткалаган.

Бу укытучының корбаннары депрессиядән интеккән һәм калган гомерләрен стресста уздырган дип бәялиләр.

Ир-атны ике ел һәм тугыз айга ирегеннән мәхрүм иткәннәр. Соңрак Эвансны иреккә чыгарганнар. Судья фикеренчә, карт укытучы үзе инде күптән гаебен дә таныган.