71 яшьлек әбине 19 мең сум пенсия акчасы үтүк белән җәзалап үтергәннәр
Бу хәл Омскида була.
Омск өлкәсе буенча Тикшерү комитеты хәбәр иткәнчә, 71 яшьлек әбине җәзалап үтергәннәр.45 яшьлек хатын, аның 28 яшьлек улы күршеләрен таларга уйлый. Җинаять юлына барганда, ир үзенең 28 яшьлек сөяркәсен дә ияртә. Алар ишек шакыгач, әби ача, күршеләр шунда ук әбине кыйный башлыйлар. Әмма ул акчаны кая яшергәнен әйтми. Алар башта ук әбине үтерү турында планлаштырган була. Шул сәбәпле, вәхшиләрчә кыланалар.Ир-ат, үтүкне кыздырып, пенсионерканы җәзалый башлый. Әби акчаны кая яшергәнен әйтергә мәҗбүр була. 19 мең сум акчаны алгач, алар чыгып китәләр. Әмма бераздан, әбинең дөрестән дә үлгәнен белер өчен, ир-ат кире фатирга кайта. Әбинең әле тере икәнен күргәч, буып үтерә.Җинаятьчеләр тоткарланган. Әбинең 25 процент тәне пешкән була.