Башкортстанның Нуриман районында авариядә машина йөртүче һәм аның 7 яшьлек улы һәлак булган. Бу турыда «Башинформ» хәбәр итте.
Юл һәлакәте 28 августта кичке 5ләр тирәсендә Уфа – Иглин – Красная Горка – Павловка юлында, Сандыр авылы тирәсендә була. «Шакман» йөк машинасы рулендәге ир-ат идарәсен югалткан, дип фаразлыйлар. Шуннан соң машина юлда әйләнеп капланган.
ЮХИДИ белешмәсе буенча, машина йөртүче ир-ат һәм аның 7 яшьлек улы урында ук һәлак булган.
Тикшерү эшләре бара, диелә хәбәрдә.