7 майда Татарстанда аязучан-болытлы һава торышы була. Төнлә урыны белән яңгыр, кайбер районнарда карлы яңгыр яварга мөмкин. Көндез явым-төшемнәр көтелми. Төньяк-көнбатыштан уртача тизлектә, көндез көчле җил. Төнлә һава температурасы 0..+4˚, урыны белән -2˚ градуска кадәр кырау төшәчәк. Көндез һава температурасы +8..+13˚ градус.
8 майда Татарстанда алмашынучан-болытлы, явым-төшемнәрсез һава торышы була. Төньяк-көнбатыштан, төньяктан уртача тизлектә җил. Төнлә һава температурасы 0..+2˚, урыны белән 0..-4˚ градуска кадәр кырау төшәчәк. Көндез һава температурасы +9..+14˚ градус.
Кимүче ай, ай Укчы йолдызлыгында.
Туфракны сукаларга, йомшартырга була. Җимеш бирә торган агач-куакларга корткыч бөҗәкләргә каршы дарулар сиптерергә кирәк. Алма, груша, чия, слива үсентеләре утырту яхшы булачак.