6 февральгә һава торышы һәм ай календаре

6 февральдә Татарстанда аязучан болытлы һава торышы булачак. Кар явачак. Төнлә һәм иртән кайбер районнарда буран булачак. Көнбатыштан, көньяк-көнбатыштан уртача тизлектә җил исәчәк.

Төнлә һәм иртән һава температурасы -7..-12˚, аязганда -17˚, көндез -5..-10˚ градус.

Юлларда бозлавык булачак.

6 февраль.

Үсеш алучы ай. Ай кысла йолдызлыгында.

Яшелчә бакчасы

Үсемлекләрне сугару һәм минераль ашламалар белән ашлау. Томат, баклажан, борыч орлыкларын бүрттерү һәм чәчү өчен уңышлы чор.

Чәчәк түтәле

Ай календаре буенча үсемлекләрне кисү өчен уңышлы вакыт түгел. Сугару һәм минераль ашламалар сибү өчен уңай көн. Берьеллык һәм күпьеллык чәчәкләр утырту өчен дә уңай вакыт.

Җиләк-җимеш бакчасы

Агач һәм куакларны кисү өчен уңышсыз вакыт.