Блогер Татар Малай, ягъни Ринат Галиәхмәтов чәчен акка буяткан. Күпсанлы язылучыларыннан үзенең үтә дә заманча тышкы кыяфәте турындагы фикерләрен дә белешергә булган. Ләкин җаваплар, безгә калса, Ринат көткәнчә түгел.
«Кит, ямьсез, килешми, элек матур идең, яшь күренә идең. Срочно кире буят чәчеңне, ачуланма»;
«Әй, нишләттең инде, Ходаем?! Матур түгел бу бер дә, Ринат. Картайгансың бит...»;
«Нигә вакытыннан алда картаерга? 50 яшьлек булып күренәсең», – дип ябырылган аңа халык.
Кайберәүләр Ринат Галиәхмәтовны «Пятый элемент» фильмындагы Брюс Уиллиска охшаткан.
Мыек белән сакал үстереп, аларын да акка буятып җибәрергә тәкъдим итүчеләр дә бар.
Ә сез ничек уйлыйсыз, килешәме Ринатка ак чәчле булу?