Камал театры артистлары Илдар Хәйруллин һәм аның тормыш иптәше Алсу Гайнуллиналарның бергә тормыш корып яши башлауларына 50 ел тулган. Алтын туйлары көнне гаилә башлыгы социаль челтәрләргә бик матур фото урнаштырды. «50 ел бергә», – дип яза Илдар абый фото янына.
Әлеге фото янында бик күп матур теләкләр, котлау сүзләре язып калдырганнар.
«Тагын 50 ел бергә булырга язсын, дип телисе килә»;
«Бик күркәм, затлы гаилә. Бик яратабыз һәм сокланабыз»;
«Илдар абый, Алсу апа, чын күңелдән котлыйбыз. Озын гомер, сәламәтлек сезгә. Иң матур парлар. Сокланабыз, горурланабыз»;
«Алтын туегыз белән! Тигезлектә, сәламәтлектә, бриллиант туйларыгызны да бергә каршы алырга язсын»;
«Менә ул йөзләгән роль башкарган ике зур, легендар артистлар. Алсу Гайнуллинаның үзенә генә хас булган тембрлы тавышы, сәхнә осталыгы, героинялары, характерлы роле – Сәрбие генә ни тора. Илдар Хәйруллин – искиткеч актер, педагог. Алдагы гомерләре тигезлектә, бәхеттә үтсен. Сәхнәдә күбрәк күрәсе килә аларны», – ди аларның тугры тамашачысы.