«5 ел элек ире дә рактан үлә». Кызы ятим калмасын өчен, яшь укытучы рак белән көрәшә

Сызрань шәһәрендә укытучы булып эшләүче яшь әни Светлана Липп яман шеш белән көрәшә. Аның ашказанында 4нче стадиядә яман шеш ачыкланган. 5 ел элек Светлананың ире дә нәкъ шундый диагноздан вафат булган. Хәзер куркыныч авыру аларның балаларын бөтенләй ятим калдырырга мөмкин Бу турыда «Маленькая Сызрань» хәбәр итә.

Хәзер Светлана Мәскәүдә, аңа югары технологияле ярдәм таләп ителә.

«Светлана Сергеевна – инглиз теле укытучысы, аны укучылары ярата, хезмәттәшләре хөрмәт итә. Алтын кеше. Хәле көннән-көн начарлана», – дип сөйләгән Светлананың хезмәттәше.

Лицей укытучылары булдыра алганча ярдәм итә, алар битараф булмаган бар кешедән ярдәм җыешырга сорый.

«Минем нәни кызым бар, аның хакына миңа исән калырга кирәк», – ди Светлана үзе.

Ярдәм итү турында «Маленькая Сызрань» сайтында белеп була.