5 августта Татарстанда алмашынучан болытлы һава торышы була. Төнлә явым-төшемнәрсез, урыны белән томан төшәчәк. Көндез кыска вакытлы яңгыр, яшенле яңгыр явачак. Көнбатыштан, төньяк-көнбатыштан уртача тизлектә, урыны белән 15-20 метр тизлектә көчле җил. Төнлә һава температурасы +15..+20˚, көндез +28..+33˚ градус.
Кимүче ай, ай Кучкар йолдызлыгында.
Кура җиләге, карлыган, крыжовник, зелпе куакларына форма биреп, яңарту өчен ботакларын кисәргә кирәк. Җимеш агачлары төбенә компост, янган тирес салу өчен яхшы вакыт. Дәлия чәчәкләрен кыраудан саклау өчен төпләренә туфрак өяргә. Туфракта кышламый торган күпьеллык чәчәкләрне казып алып саклауга куярга була.