49 яшьлек ир-ат үзенә пластик операция ясаучы хирургны көчләүдә гаепли

Мәскәүдә 49 яшьлек ир-ат бер хастаханәдә пластик операция ясаган хирургны үзен көчләүдә гаепли. Бу турыда РЕН ТВ каналы хәбәр итте.

Бу кеше ринопластика ясата. Мондый процедура вакытында борын сөякләрен төзәтәләр. Операция барышында пациентка наркоз бирәләр. 

«Наркоз белән йоклаган вакытта мине хирург көчләгән булуы ихтимал», — дип сөйләгән бу ир-ат. 

Вакыйга 2009 елда ук булса да, 49 яшьлек ир-ат полициягә гаризаны әле быел гына язган.

Хәзерге вакытта хокук саклау органнары тикшерү эшләрен башкара. Әлеге эшнең детальләре белән уртаклашмыйлар.