Табиб 45 яшьтән соң бала табу куркынычы турында аңлатты. Бу турыда Лайф яза.
Мария Беляева сүзләренчә, 45 яшьтән олырак булган йөкле хатыннарга тромбоз, кан китү яный. Яшь арту белән йөклелек вакытында катлауланулар куркынычы да арта, кайсыбер очракта гомер өчен дә куркыныч булуы ихтимал, ди ул.
«Хатын-кыз өлкәнрәк булган саен, йөклелек вакытында катлауланулар ихтималы да зуррак. Бу – гестацион диабет, югары кан басымы, кан китү, тромбоз, җитлекмәгән бала тудыру», – ди ул.
Шул ук вакытта күп куркулар арттырылган да була. Чынлыкта бернинди проблема чыкмаска да мөмкин. Моның өчен хатын-кыз яшәү рәвеше һәм сәламәтлеге өчен кайгыртып тора, гомуми авырулары юк, йөклелекне уйлап эшли, балага узар алдыннан тикшеренүләр уза.
Өстәвенә, кайсыбер тикшеренүләр күрсәткәнчә, 45 яшьтән соң авырга узган кайсыбер хатыннарның хәле хәтта яхшыра да. Ләкин җиңел сулап куярга ашыкмагыз. Беляева сүзләренчә, хроник авырулары булган хатыннарга йөклелеккә җитди карарга кирәк, чөнки өстәмә йөкләнеш авыруны катлауландырырга мөмкин, диелә хәбәрдә.