4 октябрьгә һава торышы һәм ай календаре

4 октябрьдә Татарстанда алмашынучан болытлы һава торышы булачак. Явым-төшемнәрсез. Төнлә һәм иртән урыны белән томан төшәчәк. Көньяктан уртача тизлектәге җил исәчәк. Көндез урыны белән җил тизлеге 17 метрга кадәр көчәячәк. Төнлә һава температурасы +6..+11°, көндез +15..+20° градус.

4 октябрь.

Үсеш алучы ай. Ай кәҗәмөгез йолдызлыгында.

Яшелчә бакчасы

Кышлыкка яшелчәләр утыртып калдырырга була. Кышны начар чыга торган күпьеллык үсемлекләрне капларга кирәк. Кәбестә тозлау өчен уңышлы вакыт.

Чәчәк түтәле

Кышны начар чыга торган күпьеллык үсемлекләрне каплап куярга кирәк. Салкынга чыдам берьеллык чәчәкләрне кышлыкка утыртып калдырырга була.

Җиләк-җимеш бакчасы

Җимеш бирә торган агач-куакларның кәүсәләрен агартырга кирәк.

Комментарийлар (0)