4-5 октябрьгә һава торышы һәм ай календаре

4 октябрьдә Татарстанда алмашынучан, явым-төшемнәрсез һава торышы булачак. Төньяк-көнчыгыштан талгын җил исәчәк. Төнлә һава температурасы +2..+7˚, көндез +9..+14˚ градус.

5 октябрьдә Татарстанда алмашынучан болытлы, явым-төшемнәрсез һава торышы булачак. Төньяк-көнчыгыштан, көньяк-көнчыгыштан талгын җил исәчәк. Төнлә һава температурасы +1..-4˚, көндез +9..+14˚ градус.

Кимүче ай, ай үгезбозау йолдызлыгында.

Бүлмә гөлләрен һәм чәчәкләрне сугару. Күпьеллык суганчалы декоратив үсемлекләр утыртырга була.

Агачларның кәүсәләрен кимерүчеләрдән саклау өчен ылыслы ботаклар белән урап куярга кирәк.