38 яшьлек ир-атның борынында теш үскән
Борын төбеннән 14 миллиметр озынлыктагы һәм 10 миллиметр киңлектәге тешне алганнар.
АКШ табиблары 38 яшьлек ир-атның борынында үскән тешне алган. Бу турыда New England Journal of Medicine журналына сылтама белән РЕН ТВ хәбәр итте.
Ир-ат Нью-Йорк поликлиникасына мөрәҗәгать итә. Ул борыны тыгылып торуга зарлана. ЛОР-табиб карагач, ир-атның борынында теш үсүен ачыклый.
Ир-атның борынындагы койма кәкрәйгән, борын тишеге төбендә үк теш үскән. Табиблар сүзләренчә, мондый хәл бик сирәк очрый. Гадәттә, дөрес үсмәгән тешләр үзләре төшә.
Бу ир-атка исә операция ясаганнар. Борын төбеннән 14 миллиметр озынлыктагы һәм 10 миллиметр киңлектәге тешне алганнар.
Шуннан соң ир-ат яхшы иттереп сулыш ала башлаган.
