Киров шәһәрендә 19 яшьлек кызны үтергән 35 яшьлек ир-атка карата хөкем карары чыгардылар. Бу турыда Тикшерү комитетына сылтама белән «Комсомольская правда» хәбәр итте.
Җинаять 2021 елның 23 ноябрендә була. Грибоедов урамындагы йортта яшәүче кешеләр уртак балконда кыз мәетен таба. Мәет ковер һәм пакетларга төрелгән була. Тиз арада җинаять эше ачыла, тикшерүчеләр үтерүчене эзли башлый.
Җинаятьтә шикләнеп 35 яшьлек ир-ат тоткарлана, ул мәрхүмәнең танышы була, моңа кадәр дә үтерү өчен хөкем ителгән.
Тикшерүчеләр ачыклаганча, фаҗига 2021 елның сентябрендә үк була. Мәрхүмә кыз бу ир-ат белән хәмер эчеп утыра. Аннары кыз ир-атка сүгенә башлый, ир-ат моны ошатмый. Исерек ир-ат кызны буа башлый, һәм кыз үлә. Ир-ат мәетне коверга төрә, пакетлар белән чорный. Җинаятьче мәетне берничә көн буена үзенең кладовкасында саклый, аннары уртак балконга алып чыга. Мәетне шунда күршеләр таба.
Ир-атны сак астына алалар. Шушы көннәрдә суд була, җинаятьчене 12 елга каты режимлы колониягә озаталар, диелә хәбәрдә.