Зөлфия белән Җәвит Шакировларның гаилә корганнарына 35 ел булган. Юмор остасы шул уңайдан истәлекле көннән фото куйган һәм 35 ел гомернең ни сәбәпле сизелмичә узуына җавап эзләгән.
«Менә шул истәлекле, мәңге онытылмас, яшь барган саен сагынып искә ала торган вакыйгага 35 ел үтеп киткән. Сизелмәгән дә. Бер, туктап, артка борылып караган мизгел кебек. Рәхәт, мәхәббәтле, бер-береңне аңлап, юл куеп, яратышып яшәгәнгәдер, бәлки? Булганына шөкер итеп, булмаганына өмет итеп яшәгәнгә микән? Бәлки, күпкә кызыкмыйча, азына риза булгангадыр? Икебезнең дә хәләл көчебез белән тапкан малыбызны чама белеп, әрәм-шәрәм итмичә, мактанмыйча, очынмыйча, кадерләп саклап тота белгәнгәдер», – дип уйланган артист.
Иҗади гаиләне бәйрәмнәре белән котлап, күпсанлы комментарийлар калдырганнар.
«Дөрес яшәгәнсез, Җәвит, акыл белән үткәргәнсез гомерегезне. Афәрин!» – дип килешкән берәү.
