34 яшьлек хатын ир туганының туенда Камада батып үлгән
Ир туганынын туен бәйрәм итәр өчен 7 июльдә ял базасына килгән 34 яшьлек хатын Кама елгасында батып үлгән. Бу хакта "Татар-информ" агентлыгы Гадәттән тыш хәлләр һәм гражданнар оборонасы министрлыгы матбугат хезмәтенә сылтама белән хәбәр итә.
Фаҗига Кама елгасы ярында урнашкан "Радуга" бакча ширкәтендә була. Ир туганының туена ире белән килгән хатын, башкалардан аерылып, читкәрәк китә. Соңыннан бу вакытта аларның икесенең дә исерек хәлдә булганлыгын ачыклыйлар.
Ир белән хатын яр буенда ташландык катамаран табалар һәм, шуңа утырып, Камадан әйләнеп килергә уйлыйлар.
Әмма катамаран тишек булып чыга. Ярдан 60 метр эчкә кергәч, ул бата башлый. Ир белән хатын суга суга сикереп, ярга йөзә башлыйлар. Ир йөзеп чыга ала, әмма хатыны шул ук урында диярлек батып үлә. Кичке тугызда водолазлар 4 метр тирәнлектә яткан хатынның гәүдәсен ярдан чыгаралар.
