31 июльдә Татарстанда алмашынучан-болытлы һава торышы була. Урыны белән кыска вакытлы яңгыр явачак, яшен булачак. Төньяк-көнчыгыштан уртача тизлектә, яшен вакытында 15-17 метр тизлектә көчле җил. Төнлә һава температурасы +12..+17˚, көндез +24..+29˚ градус.
Үсеш алучы ай, ай арыслан йолдызлыгында.
Үсемлекләргә авыруларга һәм корткыч бөҗәкләргә каршы дарулар сиптерү файдалы булачак. Үсемлекләрне сугару, тамырларына ашламалар сибү өчен уңай көн түгел. Бу вакытта җыелган дару үләннәренең файдалы үзлекләре югары була.
