31 декабрьне ни өчен ял көне итмиләр?
31 декабрьдәге эш көнен башка көнгә күчерү Россия Хезмәт кодексына каршы килә.
Россиядә 31 декабрь ял көне булмый. Әлеге сорауны Дәүләт думасының хезмәт һәм социаль сәясәт комитеты башлыгы Ярослав Нилов Telegram-каналында күтәргән иде. Депутат Нилов 2020 елның 31 декабрен ял көне итеп билгеләргә тәкъдим итте. Шул хакта документны ул хөкүмәткә дә җибәргән булган. Бу турыда РЕН ТВ хәбәр итте.
Россия Хезмәт министрлыгы 31 декабрьне ял көне итеп булмавы хакында хәбәр итте. Бу турыда ведомство сайтында әйтелә.
Министрлыкта аңлатканча, 31 декабрьдәге эш көнен башка эш көненә күчерү Россия Хезмәт кодексының 110нчы маддәсенә каршы килә. Закон буенча, атна саен бирелә торган өзлексез ял 42 сәгатьтән ким булмаска тиеш.
Ведомствода искәрткәнчә, эш бирүчеләр Хезмәт кодексы нормаларын үтәргә тиеш.
«2020 елда 31 декабрьне ял көне итеп күчерүне көтәргә кирәкми», — дип аңлатканнар министрлыкта Ниловның соравына җавап итеп.