«300 меңгә айфон алып, җүләрләнмә»: Ришат Төхвәтуллин хатынына онытылмаслык бүләк ясаган

Җырчы Алия Карачуринаның туган көненә тормыш иптәше Ришат Төхвәтуллин 301 розадан торган искиткеч букет бүләк иткән. Кып-кызыл розалар бәйләме күтәргән Алия кафеда да, өйгә кайтканда да, кыскасы, кич буе игътибар үзәгендә булган.

Менә дуслар, эт күңеле – бер сөяк, – дип көлгән Ришат, бәхетеннән балкып, 301 розаның төпләрен кисеп вазаларга утырту белән мәшгуль хатынын видеога төшереп. – Айфоннар кирәкми, 300 меңгә айфон алып, җүләрләнмә. Менә сезгә: 3 меңгә 301 роза бүләк итәсез дә, хатыныгыз шуны истә тотып, сезнең турыда айлар-еллар буе сөйләячәк, – дип, шаяртып, башкаларга да хәләл җефетләрен шулай сөендерергә киңәш иткән җырчы.