30 августта Казанда салют кайдан яхшырак күренәчәк?
Быел Казанда беренче тапкыр салют кына түгел, ә музыкаль пиротехник шоу әзерләнгән.
30 августта бәйрәм программасында — концертлар, фестивальләр, флешмоблар, пиротехник музыкаль шоу, Россия һәм татар эстрадасы йолдызлары чыгышлары була. Бу турыда Казан мэриясе хәбәр итте.
Быел казанлылар өчен беренче тапкыр салют кына түгел, ә музыкаль пиротехник шоу әзерләнде. Бизәкле фейерверк вакытында музыка да яңгыраячак.
Башлану вакыты — 22:00. Иң яхшы карау ноктасы Кремль яр буе һәм «Казан» гаилә үзәге булачак, диелә бу хәбәрдә.
