28 мартта Татарстанда болытлы, көндез аязучан-болытлы һава торышы була. Төнлә һәм иртән кар, җепшек кар явачак. Көндез бераз кар ява. Кайбер районнарда буран була. Төньяктан, төньяк-көнбатыштан 9-14 метр, төнлә урыны белән 17-22, көндез 15-18 метр тизлектә көчле җил. Төнлә һава температурасы -1..-6˚, көндез -1..+4˚ градус. Юлларда көчле бозлавык, кар боткасы була.
Кимүче ай, ай Чаян йолдызлыгында.
Рассадага һәм бүлмә гөлләренә органик ашламалар сибәргә була. Рассадага кара суган, порей суганы орлыклары чәчү өчен уңай вакыт.