28 апрельгә һава торышы һәм ай календаре

28 апрельдә Татарстанда аязучан болытлы һава торышы булачак. Төнлә яңгыр явачак, урыны белән томан төшәчәк. Көндез кайбер районнарда яшенле яңгыр явачак. Көньяк-көнчыгыштан, төньяк-көнбатыштан 15-20 метр тизлектә көчле җил исәчәк. Төнлә һава температурасы +3..+8˚, көндез +7..+12˚, көнчыгыш районнарда +17˚ градус.

Үсеш алучы ай. Ай кысла йолдызлыгында.

Яшелчә бакчасы

Үсемлекләрне сугарырга, минераль ашламалар сибәргә була. Рассадага кыяр орлыгы чәчәргә була.

Чәчәк түтәле

Агач һәм куакларны кисәргә ярамый. Бүлмә гөлләренең артык яфракларын, ботакларын да кисми торырга кирәк. Үсемлекләрне сугару, минераль ашламалар сибү өчен уңай чор. Декоратив агач һәм куаклар утырту, күчереп утырту өчен дә уңышлы көн.

Җиләк-җимеш бакчасы

Агач һәм куакларны кисәргә ярамый. Үсемлекләрне сугару, минераль ашламалар сибү өчен уңай чор. Агач һәм куаклар утыртыр өчен дә уңышлы көн.