26 апрельдә Татарстанда урыны белән аномаль эссе һава торышы саклана. Алмашынучан-болытлы һава, төнлә урыны белән бераз яңгыр явачак. Көндез урыны белән кыска вакытлы яңгыр, яшенле яңгыр, урыны белән боз явачак. Төнлә һәм иртән кайбер районнарда томан төшә. Төньяк-көнчыгыштан, төньяк-көнбатыштан 3-8 метр тизлектә, көндез 6-11 метр тизлектә, урыны белән 15-20 метр тизлектә көчле җил. Төнлә һава температурасы +6..+11˚, көндез +18..+23˚, градус, көнбатыш районнарда кичкә таба +10..+15˚ градус.
Кимүче ай, ай Кучкар йолдызлыгында.
Туфракны сукаларга, йомшартырга, үсемлекләрдәге авыруларга һәм корткычларга каршы көрәшергә була. Рассадага, бүлмәдә үсә торган үсемлекләргә су сибү, ашлау өчен уңай көннәр. Шулай ук җимеш бирә торган агач-куакларны, җиләкләрне дә ашларга була.