Дагыстанның төньягында тозлыкта (солончак) пычрак баткаклыкка эләккән сарык көтүе һәлак булган. Бу турыда «Вести» каналы хәбәр итте.
Кызганычка, 250дән артык сарыкны коткара алмаганнар.
Республикада көтүлекле терлекчелек идарәсе җитәкчесе Наби Абдулгамидов сүзләренчә, 300 сарык пычракка баткан, 50ләп сарыкны чыгара алганнар.
Гадәттән тыш хәл Кочубей көтүлекле терлекчелек зонасында була. Левашин районындагы Гагарин исемендәге авыл хуҗалыгы кооперативы сарыклары биредә капкынга эләгә. Чабан сүзләренчә, ул артта кала һәм көтү артыннан күзәтә алмый.
ТАСС белешмәсе буенча, сарыклар баткан урынга техника китереп булмый, кешеләр дә кыенлык белән генә барып җитә ала, диелә хәбәрдә.