23 яшьлек кыз сафлыгын ничә сумга саткан?

Махбуба Мамедзаде сафлыгын 2,4 млн еврога (якынча 112 миллион сум) саткан. Модель булып эшләүче кыз бу адымга әнисе хакына баруын әйткән, дип яза "Комсомольская правда".

Кыз сүзләренчә, ул кызлыгын сатып алырлык бай кеше тапкан. Бай 240 мең евро акчаны кызның хисап счетына инде күчергән икән, ә Мамедзаде үзенең кыз булуы турында белешмә әзерләгән.

Модель сафлыгын сату турында игъланны 2018 елның августында аукционда урнаштырган. Ул бай ир-ат эзләвен әйткән һәм ир-ат аена 30 мең евро күләмендә акча бирергә тиеш дигән шарт куйган. 23 яшьлек кыз моны әнисе хакына эшләвен язган: "Әнием минем өчен барысын да эшли, хәзер инде минем аңа яхшылык эшләү чираты җитте, әнием минем белән горурлансын дип телим", - дип аңлаткан кыз.

Февраль ахырына аукцион ахырына якынлашкан. Махбубаның кызлыгын Токиодан бер бай сәясәтче сатып алган. Британияле адвокатның бераз гына акчасы җитми калган, ә сафлыкны сатып алырга теләүче өченче ир-ат - Мюнхеннан билгеле футболчы булган, дип яза газета.

Мамедзаде япон белән төнне Германиянең бер кунакханәсендә үткәрәчәк. Анда мондый хезмәт күрсәтү законлы икән. Әгәр бай теләсә, кызны башта табиб карап, кызлыгын раслый алачак.

Кызлыгы өчен бирелгән акчаны кыз акыл белән туздырырга уйлый. Ул әнисенә йорт сатып алмакчы. Аннары әнисен дөнья буйлап сәяхәткә алып чыгып китү турында хыяллана. Ә аннары АКШка китеп, модель булып эшләвен дәвам итәргә тели икән.

Әлегә кыз Төркиядә яши.