22 сентябрьдә аязучан болытлы һава торышы көтелә. Төнлә һәм иртән кайбер районнарда томан төшәргә мөмкин. Җил төньяк-көнчыгыштан уртача тизлектә фаразлана. Төнлә һава температурасы - +8..+13 градус. Көндез +17..+22 градус, ә Татарстанның көнчыгышында +26 градуска кадәр җылы көтелә.
Кимүче ай, ай Арыслан йолдызлыгында.
Төрле үсентеләр утырту өчен уңышлы көн түгел. Карлыган, крыжовник агачларын яшәртү өчен кисеп чыгарга, авыру һәм уңыш бирми торган агач-куакларны кисәргә мөмкин.
Яшь үсентеләр утырту өчен урын әзерләргә була. Бакчадагы яшелчәне һәм җиләк-җимешне җыеп алырга мөмкин. Җир кишәрлегендәге чүп-чарны түгәргә кирәк. Туфракка минераль ашламалар кертергә була.
