22 июльдә Татарстанда алмашынучан-болытлы һава торышы була. Урыны белән кыска вакытлы яңгыр, яшенле яңгыр явачак. Төнлә һәм иртән урыны белән томан. Төньяк-көнчыгыштан уртача тизлектә, яшен вакытында 15-28 метр тизлектә көчле җил. Төнлә һава температурасы +10..+15˚, көндез +24..+29˚ градус.
Кимүче ай, ай үгезбозау йолдызлыгында.
Яшелчәләргә ашламалар, үсеш стимуляторлары сибәргә кирәк. Бакча җиләгенең артык мыекларын өзеп ташларга була. Ирис, нәркис чәчәкләрен бүлгәләп, күчереп утырту өчен уңай көн.