Фил балалары бик зур булып туганга, ана фил озак буаз булып йөри. Бу турыда «Вокруг света» яза.
Яңа туган фил баласы 100 кило чамасы авырлыкта була. Бер күзәнәктән шундый зур организм ясар өчен шактый вакыт таләп ителә. Өстәвенә, фил үсемлекләр белән генә туклана, аларда аксым аз. Димәк, үсә торган организм өчен «төзелеш материаллары» да аз була. Шуңа күрә филнең йөклелек вакыты 22 айга кадәр җитә.
Мәсәлән, зәңгәр китның йөклелек вакыты 1 елдан артмый.
Кечерәк һәм көчсезрәк бала тудыру филләргә файдалы түгел. Беренчедән, туганнан соң берничә сәгать узгач ук фил баласы әнисе һәм көтү артыннан бара ала. Икенчедән, ул ерткычларның күбесеннән үзен-үзе саклый ала.