21 яшьлек кыз әнисен үтереп, мәетенең эчке органнарын кисеп алган
40 яшьлек әни кеше кызын дәваланырга җибәрмәкче булган.
Молдавиядә 21 яшьлек кыз үзенең 40 яшьлек әнисен үтерә. Бу турыда РЕН ТВ хәбәр итте.
Мәрхүмә хатын үзенең кызын наркология клиникасына дәваланырга җибәрмәкче була. Шуннан соң кыз анасын үтерә. Ул мәетнең тәнен пычак белән кискәли, эчке органнарын кисеп ала.
Мәетне кичке унберләр тирәсендә фатирда табалар. Үтерү коралы да шунда ук була. Кыз үзе анасын үтергәч, полициядән качмакчы була. Тик аны тиз арада эзләп табалар. Җинаять эше ачылган.
Җинаятьче кызның социаль челтәрдәге сәхифәсендә матур фотолар да бик күп. Алар Парижда, кыйммәтле кибетләрдә һәм затлы машиналар янында төшерелгән, диелә бу хәбәрдә.
