21 июньдә Татарстанда болытлы һава торышы көтелә. Төнлә бераз яңгыр яварга мөмкин. Көндез явым-төшем ихтималы аз. Җил төньяк-көнбатыштан секундына 6-11 метр тизлектә фаразлана, урыны белән 14 метрга кадәр җитәргә мөмкин. Төнлә һава температурасы +3..+8˚, ә көндез +13..+18˚ көтелә.
Үсүче ай Кысла йолдызлыгында.
Агачларны һәм куакларны кисү, яшелчәләрнең ян ботакларын алу өчен уңай көн саналмый. Яшелчәләрне һәм агачларны тукландыру эшләрен башкарырга була. Карлыган һәм крыжовник ботакларын тамырландыру өчен уңышлы көн.
