2026 елда эшләүче кешеләрне 247 эш көне һәм 118 ял көне көтә, дип хәбәр итте РИА Новости агентлыгына Дәүләт Думасының Хезмәт, социаль сәясәт һәм ветераннар эшләре комитеты әгъзасы Светлана Бессараб.
«2026 елда эшләүче россиялеләр өчен җитештерү календаре 247 эш көне һәм 118 ял көне булачак», – диде Бессараб.
Аның сүзләренчә, әгәр ял көннәренә 28 календарь көнлек түләүле отпускны да өстәсәк, гомуми ял вакыты 146 көнне тәшкил итәчәк.
«2025 ел иң кыска эш атнасы белән тәмамлана – ул бары тик 2 көннән генә тора: 29 һәм 30 декабрь. Ә 2026 ел иң озын Яңа ел каникуллары белән башлана, алар 12 гыйнварга кадәр дәвам итә һәм барлыгы 12 көн була», – дип өстәде сәясәтче.
Шулай ук Бессараб 2026 елда россиялеләр күнеккән май бәйрәмнәрендәге 4 көнлек ялларны көтәргә кирәкмәячәген дә ачыклады. «Ләкин ял көннәренең гомуми саны болай да яхшы итеп ял итәргә мөмкинлек бирә», – дип йомгаклады ул.
