Татарстанның Финанслар министрлыгы укытучыларга булышу өчен «Авыл укытучысы» программасын гамәлгә ашыра. Зур булмаган торак пунктларда эшләргә риза булган укытучыларга бер мәртәбә 1 млн сум акча түләячәкләр. Бу хакта министрлыкның МАКС каналында хәбәр итәләр.
Әлеге программага авыллардагы, бистәләрдәге һәм 50 меңгә кадәр кеше яши торган шәһәрләрдәге бөтен мәктәпләр дә эләгә. Агымдагы елда әлеге максатлар өчен 12 млн сум бүлеп бирелгән. Аларның 6 миллионнан артыгы федераль бюджеттан килә.
2026 елда Россиядә «Авыл укытучысы» программасы өчен 1,1 млрд сумнан артык акча бүлеп бирелә.