2025 ел яз-җәенә яңа коллекция тәкъдим ителде (Бу күлмәкләрне кая кияр идегез?)

Парижда узган мода атнасында барысын да Япониянең Comme des Garcons бренды шаккатырган. Алар үз коллекцияләренә илһамны «Скафандрлар һәм башка күләмле формалар» бирде, дигән.

Билгеле, бу – югары мода, мода дөньясында була торган күренеш. Реаль кулланылышта бу мода бик нык гадиләштерелә.

Әмма социаль челтәрләрдә, монысын исәпкә алмыйча, бу күлмәкләрне кая киеп була, дигән шаян бәхәсләр башланган.

Менә берничә вариант:

- маршруткада эшкә барганда;

- «борщевик» чабар өчен;

- сәяхәткә барыр өчен – аюлар килеп чыкса да куркыныч түгел;

- төнлә, чыгып, күршене куркытырга;

- эскәмиягә чыгып утырам – бөтен подъезд шаккатсын!

Сез ничек уйлыйсыз, бу күлмәкләрне кая киеп була?