«Financial Times» ел азагында фаразлар ясый. Шулай итеп, 2024 елдан ниләр көтәргә?
- АКШ һәм Европа берлеге Украинага ярдәм итүне дәвам итәчәк, әмма, сайлауларга бәйле рәвештә, ул саегырга мөмкин. Хәрби уңышка ирешеп булмау сәбәпле, Украинага басым ясалачак.
- Дональд Трамп АКШ президенты итеп сайланмаячак, Байден кабат сайланачак.
- Израиль белән ХАМАС арасындагы каршылык Якын Көнчыгыштагы зур сугышка әйләнмәячәк.
- Кытай Тайваньга һөҗүм итмәячәк.
- АКШта икътисады кризис булмаячак.
- Кытайда икътисади үсеш тукталмаячак.
- 2024 ел 2023 елга караганда күпкә җылырак булачак.
- Илон Маскның X (Twitter) челтәре бөлгенлеккә чыгачак.
- Европа берлегенә Урсула фон дер Ляйен кабат президент итеп сайланачак.
- Кейр Стармер Бөекбритания премьеры итеп сайланачак.
- Альтернатив электроэнергия җитештерү чыганаклары күмерне кысрыклап чыгара алмаячак.
- Аргентина икътисадын долларга бәйләмәячәк.
- Артык авырлыкка каршы дарулар сата торган «Novo Nordisk» ширкәте Европаның иң бай компаниясенә әйләнәчәк.
Бу фаразлар чынга ашарга мөмкинме-юкмы, дип уйлаучыларга – 2023 елга булган фаразларны укыгыз (2022 ел азагында чыккан иде).
- 2023 елда Украинада конфликт дәвам итәчәк, килешү булмаячак.
- Европада энергетика белән бәйле кризис булачак, электроэнергияне өзүләр булуы бар (бу чынга ашмады).
- Риши Сунак Бөекбритания премьеры булып кала (2022 елда «ул озак утырмас» дигән фаразлар булган иде).
- АКШ процент ставкаларын төшермәячәк.
- Байден президентлыкка кандидатурасыннан баш тартмаячак.
- Трампка яңа гаепләүләр булачак (бу чынга ашты).
- Кытай икътисады ныгыячак – 5 процентка арту күзәтеләчәк (2023 елның 3 кварталы буенча нәтиҗә ясаганда, арту 5,2 процент булган).
- Кытай Тайваньга һөҗүм итмәячәк.
- Рәҗәп Тайип Эрдоган Төркиядә президент итеп сайланачак. (Эрдоган май аенда президент итеп кабат сайланды).
- Иранда протестлар тынмаячак (Чынга ашты – Иранда соңгы зур протест 18 ноябрьдә булды – Хомейн шәһәрендә аятолла Хомейни йортына ут төрттеләр, Сахна шәһәрендә демонстрация булды).
- Twitter (Х) челтәре ябылмаячак.
- Күп кенә Африка илләре дефолт игълан итәчәк. (Бу чынга ашмады – бары тик бер ил, Эфиопия генә, бурычлары түләп бетерә алмаслык зур булу сәбәпле, дефолт игълан итте).