2024 елга россиялеләр өчен бәйрәм һәм ял көннәре расланды. Тиешле карарга илнең премьер-министры Михаил Мишустин кул куйган. Бу турыда Казан мэриясе хәбәр итте.
2024 елда россиялеләр 1-8 гыйнварда, 23-25 февральдә, 8-10 мартта, 28 апрельдән 1 майга кадәр, 9-12 майда, 12 июньдә, 3 һәм 4 ноябрьдә, 29-31 декабрьдә ял итәчәк.
6 һәм 7 гыйнвар шимбә һәм якшәмбегә туры килгәнлектән, бәйрәм көннәре 10 майга һәм 31 декабрьгә күчереләчәк. Шулай ук эшләми торган көннәр 27 апрельдән 29 апрельгә, 2 ноябрьдән 30 апрельгә, 28 декабрьдән 30 декабрьгә күчерелә, дип хәбәр ителә Россия Хөкүмәтенең Telegram-каналында.
Исегезгә төшерәбез, Татарстан халкын өстәмә бәйрәмнәр көтә. Алар арасында Республика көне (30 август), ТР Конституциясе көне (6 ноябрь). Ай календаре һәм традицияләр буенча Ураза бәйрәме һәм Корбан бәйрәме башлануга туры килгән көннәр ТР Рәисе Указы белән билгеләнә.
Фото: ©