2024 елда 31 декабрь ял көне булачакмы-юкмы икәне хакында Дәүләт Думасының Хезмәт, социаль сәясәт һәм ветераннар эшләре комитеты рәисе Ярослав Нилов сөйләде, дип яза «Российская газета».
Ярослав Евгеньевич, Яңа ел каникуллары артта калды, киләсе каникулларны көтәбез. Әмма, 31 декабрьдә ял итәбезме-юкмы, дигән сорауга җавап юк. Күпчелек кеше, шул исәптән минем хезмәттәшләрем дә, аны ял көне иттеләр, дип ышаналар. Соңгы еллар 31 декабрь ял көннәре белән туры килде. Бу көнне ял итү статусын тулысынча ныгытырга кирәкмиме?
Бу мәсьәлә белән 2019 елдан бирле шөгыльләнәм. Безнең барлык бәйрәмнәр Хезмәт кодексында язылган, һәм 31 декабрь Россиядә эшләми торган бәйрәм көне түгел. Шунысы бар: хөкүмәт, эш һәм бәйрәм көннәрен тигезләү өчен, календарьда күчерүләр ясый ала.
Хөкүмәт моны ел саен киләсе календарь елына алдан ук эшли. Ләкин соңгы еллардагы практика күрсәткәнчә, аңлашылмаучанлыклар күп. Губернаторларның бер өлеше 31 декабрьне ял көне дип билгеләде, икенчеләре, киресенчә, эш көне, ди. Нәтиҗәдә, бу мәсьәләгә Президентка катнашырга туры килде. 2019 елда президент «Хезмәт кодексы»нда 31 декабрьнең эшләми торган бәйрәм көне статусын ныгытырга тәкъдим итте. Ләкин 2020 елдан. Аннары коронавирус пандемиясе башланды.
31 декабрь турында закон проекты бар иде бит. Аның язмышы ничек?
Ул Дәүләт Думасында карала. Хәзер эшләми торган бәйрәм көне булган 8 гыйнварны эш көне итәргә тәкъдим итәм. Шулай итеп, 8 гыйнварны 31 декабрьгә күчерәбез – елның соңгы көне рәсми рәвештә эшләми торган көн була, ә 8 гыйнварда инде эшкә чыгачакбыз. Мондый хәл булганда, гомумән, икътисадка өстәмә йөкләнеш булмаячак. Шул ук вакытта безнең тулы яңа ел каникуллары булачак. Профсоюзлар безне хуплый.