2018/2019 уку елында мәктәп укучыларының каникуллары кайчан була?
Татарстанның Мәгариф һәм фән министрлыгы киләсе уку елы өчен каникул көннәрен билгеләде.
![2018/2019 уку елында мәктәп укучыларының каникуллары кайчан була?](https://intertat.tatar/resize/shd/images/uploads/news/2018/8/23/c3189aeeda61b03588fd6f9d309463d3ccbb63c42fcf8362d97b160c1b41.jpg)
Министрлык планы нигезендә, көзге каникуллар җиде көн – 31 октябрьдән 6 ноябрьгә кадәр дәвам итәчәк.
Кышкы каникуллар 2018 елның 26 декабреннән 2019 елның 8 гыйнварына хәтле булачак.
23 марттан 31 мартка кадәр – язгы каникуллар, дип яза "Мәгариф" журналы.
Беренче сыйныф укучылары өчен өстәмә бер атна ял 11-17 февраль көннәрендә булачак.
Ә җәйге каникулларның башлануы мәктәпләрнең еллык календарь графигы һәм дәүләт йомгаклау аттестациясе имтиханнары расписание буенча билгеләнәчәк.
Искәртеп үтик, мәктәп каникулларының сроклары үзгәрергә мөмкин. Муниципалитетлар үз төзәтмәләрен кертергә хокуклы.