Красноярск өлкәсенең Железногорск шәһәрендә 16 яшьлек кызны көчләгәннәр һәм үтергәннәр. Сорау алганда 20 яшьлек студент егет җинаятьне ничек кылуын сөйләгән. Бу турыда «Комсомольская правда» яза.
Тоткарланган егет Гадәттән тыш хәлләр министрлыгы академиясендә укыган. Хәзер аны гомерлеккә ирегеннән мәхрүм итүләре ихтимал.
Тикшерү версиясе буенча, 31 июльгә каршы төндә әлеге егет хәмер эчә һәм урамга йөрергә чыга. Бу Шәһәр көне бәйрәме була, егет тә шунда бара. Ул мәдәният һәм ял паркында күл янында бер кызны күрә. Алар таныш булмый. Егет кыз янына бара, аңа йодрык белән суга, аннары таш белән бәрә. Кыз аңын югалткач, аны куаклар арасына сөйрәп алып китә, көчли, аннары мәсхәрәли.
Аннары, җинаять эзен яшерү өчен, егет кызны үтерә, гәүдәсен агач ботаклары, туфрак һәм кызның киемнәре белән каплый. Мәетне 2 көннән соң гына табалар.
Җинаятьтә шикләнелүчене 8 ай эзлиләр. Якын арада бу кешегә үтерүдә, көчләүдә һәм сексуаль характердагы башка гамәлләр өчен гаепләү белдереләчәк. Ул гаебен таныган, аны гомерлеккә утыртулары ихтимал, диелә хәбәрдә.