20 апрельдә Татарстанда алмашынучан-болытлы һава торышы була. Урыны белән кыска вакытлы яңгыр, яшенле яңгыр явачак. Көнбатыштан, көньяк-көнбатыштан 6-11 метр тизлектә, урыны белән 15-17 метр тизлектә көчле җил. Төнлә һава температурасы +11..+16˚, көндез +17..+22˚, көнчыгыш районнарда +26˚ градус.
Үсүче ай, ай Кыз йолдызлыгында.
Бу вакытта берьеллык һәм күпьеллык чәчәкләрдән кала, башка үсемлекләр утыртмый тору хәерле. Томат, борыч һәм баклажан рассадасын зуррак савытларга күчереп утыртырга мөмкин. Агач-куакларга авыруларга һәм корткыч бөҗәкләргә каршы дарулар сиптерергә була. Бүлмә гөлләрен күчереп утыртырга ярый.