20-21 мартка һава торышы һәм ай календаре

20 мартта Татарстанда аязучан-болытлы, явым-төшемнәрсез һава торышы була. көнбатыштан, төньяк-көнбатыштан уртача тизлектә җил. Төнлә һава температурасы -5..-10˚; көндез -1..+4˚ градус. Юлларда бозлавык.

21 мартта Татарстанда аязучан-болытлы һава торышы була. Кар, җепшек кар явачак. Төньяк-көнбатыштан уртача тизлектә, көндез урыны белән 15 метр тизлектә көчле җил. Төнлә һава температурасы 0..-5˚; көндез 0..+5˚ градус. Юлларда бозлавык.

Кимүче ай, ай чаян йолдызлыгында.

Агач һәм куакларның ботакларын кисәргә ярамый. Тамырландыру өчен виноград чыбыкчаларын суга утыртып куярга була. Рассадага, бүлмә гөлләренә органик ашламалар сибәргә кирәк.