2 яшьлек кыз бала ишегалдында катып үлгән
Оренбург өлкәсендә киенмичә үзе генә урамга чыгып киткән 2 яшьлек кыз бала салкында туңып үлгән.
Әлеге фаҗига турында Оренбург өлкәсе Тикшеренү комитеты матбугат хезмәте хәбәр итә.
Тикшерүчеләр ачыкланганча, ана кеше 2 һәм 5 яшьлек балаларын үзләрен генә өйдә калдырып чыгып киткән. Ул күршеләрендә сәгать ярым утырган. Өенә кайтканда исә, урамда өс киемсез өшегән 2 яшьлек кызының мәетен тапкан.
Экспертиза баланың салкында туңып үлүен ачыклаган. Җинаять эше ачылган.
