2 сентябрьдә Татарстанда алмашынучан-болытлы һава торышы була. Кыска вакытлы яңгыр явачак. Кайбер районнарда яшенле яңгыр ява, боз яварга мөмкин. Көньяк-көнчыгыштан, көньяк-көнбатыштан 6-11 метр тизлектә, көндез урыны белән 15 метр, яшен вакытында 15-20 метр тизлектә көчле җил. Төнлә һава температурасы +14..+19˚, көндез +22..+27˚ градус.
Үсүче ай, ай Кәҗәмөгез йолдызлыгында.
Көзен куллану өчен кресс-салат, шпинат чәчү өчен уңай вакыт. Пион, ирис һәм башка күпьеллык чәчәкләрнең тамырларын бүлгәләп, күчереп утыртырга була.