1995 елда 3 кешене балта белән чабыпүтергән ир-атны 14,5 елга хөкем иттеләр. Бу турыда РЕН ТВ яза.
Мәскәүнең Измайлов районы суды 51 яшьлек Коте Дарсалияне йоклап яткан 3 кешене үтерүдә гаепле дип тапты. 1995 елда җинаять кылгач, ул чит илгә китә һәм 27 ел качып йөри.
Фаҗига 1995 елның июлендә була. Дарсалия әлеге фатирдагы кешеләрнең берсендә зур суммада акча булуын ачыклый. Шул акчаны алу өчен, 3 кешен балта белән чабып үтерә.
«Җинаять кылгач, Дарсалия кача һәм 27 ел буена башка ил территориясендә яши», – дигәннәр Мәскәү прокуратурасында.
Дарсалиянең әлеге җинаятькә катнашы булуын экспертизалар ярдәмендә ачыклаганнар. Ул гаебен танымый, диелә хәбәрдә.
